كتر كلمة هلا صايرة منتشرة في مجتمعاتنا هي كلمة اسكت شو بدك تفضحنا ،أكتر كلمة صاير المجتمع بيخاف منها هي كلمة الفضيحة مع إنو ما في فضيحة اصلا لما الواحد بيطالب بحقو في أي شئ في الدنيا بتصير فضيحة؟ لسه لهلا عم نتوهم و عم تحكمنا الهواجس لوين رايحين بهاد الفكر و لوين راح نوصل طول ما عم نخبي صوت الحقيقة وراء الشمس ما ربينا على فكرة المواجهة على فكرة ما في خوف غير من الله في مجتمعاتنا بنخاف حتى من ظلنا شو بدنا أكتر من هيك ؟ لازم نكون أقوياء و نتعلم نجازف مشان نعيش بكرامة مشان ما يدمرنا أي حدا مهما كان ليش عم ندمر حالنا على الفاضي ؟ليش بدنا نخسر وجودنا بس مشان ناس تانية ما بتستحق ؟ ليش على طول نخاف نكمل لانو بنخاف من المجهول هاد الفكر امتى راح نهزمو بإرادة قوية و متماسكة ؟امتى راح نقتل صوت الخوف يلي جواتنا ؟ امتى بدنا نصرخ بصوت أعلى إنو من حقنا نعيش بدون ما نخاف ؟ ليش عم نتعذب هيك بس بسبب إنو عم نخاف من أي شئ حتى لو كنا مو غلطانين اسمعي و اسمع شو بدي احكيلك طول ما انتا و طول ما إنتي صح لا تخافوا طول ما انتو عم تخافوا الله و عايشين بمبادئ لا تخافوا ،طول ما اصلكم ذهب ما تخافوا يلي بدو يخاف مو انتو ناس تانية عم تسرق الحياة و السعادة و الخير هدول لازم يخافوا لأنو هدول مانهم صح بس يلي صح ما بيخاف لازم يكون واثق إنو ما في شئ في دنيا بيستحق إنو يعذب حالو مشانو ليش عم تسكتو عن حقكم في الوجود بسبب شئ أصلا مانو وجود غير كهواجس صنعها المجتمع بس مانها موجودة في الحقيقة فتح عيونك و ركز راح تلاقي إنو هي مانها موجودة فضيحة شو يلي بدنا نخاف منها طول ما نحن ماشين على الطريق الصح طول ما النور عم يضئ حياتنا ليش بدنا نطفيه بالظلم و الظلام لا تظلموا حالكم لانو اسوء شئ تظلم حالك و لا تسجنوا حالكم في هالسجن يلي كتير ضيق و يلي عم يخنقكم كل يوم ،لا تعيشو في قفص محدود لا تكونو متل الطائر المحبوس و يلي عم يطلع للافق بحسرة و أسف ما خلقنا مشان يستعبدنا أي حدا نحن خلقنا مشان نثبت حالنا في هالوجود و بنعبد بس الله مو الناس
